Afurca – Söhüb: 28km, +1636m/-742m (Ş → Q)

Bu marşrut Afurca kəndindən başlayır və asfalt yol ilə Güləzi kəndinə doğru yüksəlir. Kəndin sonunda kiçik bir bulaq yerləşir, bundan sonra marşrut kollar və seyrək meşələr arasından keçən torpaq yollar və heyvan cığırları ilə davam edir. İrəlilədikcə, ərazi geniş düzənliklərə açılır və dağın kənarını dolanaraq Quba dağlarının möhtəşəm zirvələrini görməyə imkan yaradır. Marşrut Söhub kəndində başa çatır. Bu kənd, tarixi Söhübqala qalasının qalıqlarının ətəyində yerləşir.

Marşrut Şəraiti

Bu marşrut torpaq yollar və heyvan cığırlarının qarışığından ibarətdir, hansı ki, mövsümlərə görə dəyişə bilər. Cığır işarələnməyib və geniş açıq sahələrdən keçdiyi üçün GPS marşrutlarını izləmək, yolu tapmaq baxımından vacibdir.

Qeyd: Marşrutun bu hissəsi hələ ki, TCT tərəfindən texniki xidmət ilə təmin olunmur.

Su

• Güləzi kəndinin kənarı boyunca kiçik bir çay axır.
• Marşrut boyunca mövsümi bulaqlara rast gəlmək mümkündür, lakin onların daim əlçatan olması təmin olunmur.
• Yürüşə başlamazdan əvvəl Afurca və ya Güləzi kəndlərində su ehtiyatınızı doldurmaq tövsiyə olunur.
• Söhüb kəndində isə su ehtiyatlarını yeniləmək üçün mövcud bulaqdan istifadə etmək mümkündür.

Cığırın başlanğıc nöqtələri 

Şərq tərəfdən Afurca kəndinə asfalt yolla çatmaq mümkündür.

Qərb tərəfdən Söhüb kəndinə Quba şəhərindən yalnız off-road (torpaq yol) nəqliyyat vasitələri ilə getmək olar.

Marşrut Üzərindəki İmkanlar

Afurcada bir neçə restoran və kafe fəaliyyət göstərir, həmçinin kirayə kotteclər mövcuddur.

Söhüb kiçik kənddir və burada qonaq evi yoxdur, lakin məhdud seçimli bir kiçik mağaza var. Yay aylarında işləyən çayxana mövcuddur.

Mədəni irs abidələri

Söhübqala Azərbaycanın ən qədim qalalarından biridir və Söhüb kəndində, 1700 metr yüksəklikdə yerləşir. Bu qala müxtəlif adlarla tanınır: Divlərqala, Div qalası və Sükut qalası. Onun mənşəyi məlum deyil, bəzi tarixi mənbələr onu IV-VI əsrlərə, digərləri isə IX-XI əsrlərə aid edir.

Qala kərpic və yumurta sarısından hazırlanmış məhlul ilə inşa edildiyinə görə müstəsna möhkəmliyə malikdir. Onun fərqli fiqur-səkkiz formasına malik olması iki üst-üstə yığılmış barelə bənzədilir və maraqlıdır ki, ilkin olaraq bu tikilinin heç bir girişi olmayıb. Bəzi əfsanələrə görə, yeraltı tunellər vasitəsilə gizli giriş mövcud olub.

Yerli rəvayətlərə əsasən, Söhübqala strateji hərbi məntəqə olub və bölgə boyunca siqnal atəşləri ilə əlaqə yaradılıb. Bu gün də həmin siqnal atəşlərinin izləri görünməkdədir. Qalanın ətrafında qədim qəbiristanlıqlar yerləşir.