ტრანსკავკასიური ბილიკის (TCT) შესახებ

ტრანსკავკასიური ბილიკი (TCT) იქნება მცირე და დიდ კავკასიონზე გადაჭიმული 3,000 კილომეტრიანი სალაშქრო გზა, რომელიც დააკავშირებს ოცდაათამდე ეროვნულ პარკსა და დაცულ ტერიტორიას რეგიონში.

კავკასიონი, რომელიც ესაზღვრება ევროპას, აზიასა და შუა აღმოსავლეთს და სხვა სიტყვებით ცნობილია, როგორც სამხრეთ კავკანიონი, ამიერკავკასია ან ტრანსკავკასია, ბიოლოგიურად, კულტურულად და ლინგვისტურად ერთ-ერთი ყველაზე მრავალფეროვანი რეგიონია მსოფლიოში. მიუხედავად ამისა, ცოტას თუ ჰქონია შესაძლებლობა მისი სრულყოფილად დათვალიერებისა თუ შესწავლისათვის.
ამჟამად, კავკასიონიზე უწყვეტი ბილიკის იდეით გაერთიანებული, ადგილობრივი თუ საერთაშორისო მოლაშქრეთა, კარტოგრაფთა და ბუნების დამცველთა საზოგადოება ზრუნავს, რუკაზე აღბეჭდოს ეს საოცარი ადგილი და მომავალ თაობებს საშუალება მისცეს, დატკბნენ რეგიონის ლანდშაპტებითა და ბუნებრივი მემკვიდრეობით.

2015 წლიდან ტრანსკავკასიური ბილიკი აქტიური განვითარებისა და სწრაფი ზრდის პროცესშია. შემოგვიერთდი და გახდი ამ შესანიშნავი პროექტის ნაწილი დედამიწის ერთ-ერთ ყველაზე საოცარ რეგიონში!